സത്യം,
ഞാനെത്ര ശ്രമിച്ചെന്നോ,
എനിക്ക് കഴിഞ്ഞില്ല,
എന്നെ പ്രസവിക്കുവാന്..
കല്യാണം കഴിച്ച പെണ്ണ്
ഒരു പൊതിയുമായി വന്ന്
ഇതാ പിറന്നാള് സമ്മാനമെന്നോതവേ
അരുതാത്തതെന്തോ കേട്ട പോല് ഞെട്ടി ഞാന്,
ഇനിയിതും ഞാന് പറഞ്ഞറിയണോ?
പിന്നൊരു നാള് മകന്
ഒരു കുറിപ്പുമായി വന്നു,
ഒരു പിറന്നാള് കേക്ക് വേണം,
ഒന്പതു മെഴുകു തിരികള്,
പായസത്തിന് കുറിപ്പടി,
പുത്തന് കുപ്പായം..
ഞെട്ടിയറിഞ്ഞു ഞാന്,
അവനും ജനിച്ചിരിക്കുന്നു...
എനിക്കൊരു പിറന്നാള് സമ്മാനം വേണം,
നെഞ്ചില് ചേര്ന്ന് കൊണ്ടവള് ചൊല്ലി,
അതിനെടീ, നീയെന്നു ജനിച്ചു,
ഞാനറിഞ്ഞില്ലല്ലോ,
ഓ! ജനിക്കാത്തവന്റെ സമ്മാനം
എനിക്ക് വേണ്ടെന്നവളുടെ പരിഭവം!!
ഇനിയും ഞാന് ജനിച്ചില്ലെങ്കില്
കുഴപ്പം തന്നെയെന്നറിഞ്ഞു ഞാന്..
ചിത്ത രോഗാശുപത്രിയിലെ
കരുണാമയനായ ഡോക്ടറേ,
സത്യമാണ്,
വിശ്വസിക്കണം,
മറ്റാരും വിശ്വസിക്കുന്നില്ല,
നിങ്ങളെങ്കിലും...
ഞാന് ജനിച്ചു..
പേര് ബുദ്ധന്, നാള്..
ഇനി ഗസറ്റിലെന്
പേര് തിരുത്താന് കൊടുക്കണം...
ഓ! ജനിക്കാത്തവന്റെ സമ്മാനം
ReplyDeleteഎനിക്ക് വേണ്ടെന്നവളുടെ പരിഭവം!!
ജനിക്കണം
ReplyDeletekavithayile vyathyasthatha ishtamaayi..Rajesh,ashamsakal..
ReplyDelete"മറ്റാരും വിശ്വസിക്കുന്നില്ല,
ReplyDeleteനിങ്ങളെങ്കിലും.."
ഞാന് വിശ്വസിക്കുന്നു....